Ақпар - Электр энергиясын өндіру

Қазақстан Республикасының біртұтас электр энергетикалық жүйесі (ҚР БЭЖ) Қазақстан Республикасының тұтынушыларын сенімді және сапалы энергиямен жабдықтауды қамтамасыз ететін электр станцияларының, электр беру желілері мен кіші станциялардың жиынтығын білдіреді.

Қазақстан Республикасының электр энергетикасы бірнеше секторларды қамтиды. Соның ішінде электр энергиясын өндіру секторын алып қарастырайық.

Электр энергиясының өндірісін елімізде түрлі меншік нысанындағы 158 электр станциясы жүзеге асырады. Қазақстанның біртұтас электр энергетикалық жүйесіндегі жүктемелердің жылдық ең жоғары деңгейі өткен күзгі-қысқы кезеңде (КҚК) 2019 жылғы 26 қарашада тіркелді және 15 182 МВт құрады.

2020 жылғы 1 қаңтарға Қазақстан электр станцияларының жалпы белгіленген қуаты 22 936,6 МВт, қолда бар қуаты - 19 329,7 МВт құрады.

Электр станциялары ұлттық маңызы бар электр станцияларына, өнеркәсіптік мақсаттағы электр станцияларына және өңірлік мақсаттағы электр станцияларына бөлінеді.

2019 жылы электр энергиясын өндіру көлемі 106,0 млрд. кВтсағатты құрады немесе 2018 жылға қарағанда 99,3% (106,8 млрд. кВтсағ.).

Электр энергиясын тұтыну 105,1 млрд. кВтсағатты құрады немесе 2018 жылға қарай 102% (103,2 млрд. кВтсағ.), бұл ел экономикасының электр энергиясына қажеттілігін толық жабылуын білдіреді.

2020 жылдың 6 айында электр энергиясын өндіру көлемі 53,5 млрд. кВтсағатты құрады немесе 2019 жылдың 6 айына 103% (51,9 млрд. кВтсағ.). Электр энергиясын тұтыну 53,1 млрд. кВтсағ. немесе 2019 жылдың 6 айына 102,1% - ды (52 млрд. кВтсағ.) құрады.

Осылайша, ҚР Энергетика министрінің 2020 жылғы 15 қаңтардағы № 15 бұйрығымен 2020-2026 жылдарға арналған электр энергиясы мен қуатының болжамды теңгерімі бекітілді.

Қазақстан Республикасы

Энергетика министрлігі Атомдық және

энергетикалық қадағалау мен бақылау

Комитетінің Ақмола облысы

бойынша аумақтық департаменті